Сурагч охин бага насны 7 хүүхэдтэй айлын хүүхдүүдэд өөрийн хэрэглэж байсан бүхнээ бэлэглэв

Э.Энхзаяа охин ОИЦС-ийн 6-2 ангид сурдаг. 3-р ангид байхдаа өсвөрийн улаан загалмайн гишүүнээр элссэн байна. Бяцхан охин улаан загалмайн сайн дурын ажилтнуудтай хамт халамжлуулагч айлуудад очиж тусладаг байна.

Уран бүтээл хийж, уралдаан тэмцээнд оролцож шагналын мөнгөөрөө амьдралын хүнд нөхцөлд байгаа үе тэнгийнхэндээ туслах сайн үйлст зориулдаг байна.

Өнөөдөр Э.Энхзаяа охин бага насны 7 хүүхэдтэй айлд очиж хүүхдүүдэд өөрийн хэрэглэж байсан хичээлийн хэрэгсэл, хувцас, хайртай тоглоомууд, хүнсний бүтээгдэхүүн өглөө. Өөртөө байгаагаа бусдад илүүчлэх боломж хүн бүрт байна. Та бүхэн сайн үйлст нэгдэж байгаарай гэсэн юм.