Зулзагын гол хүүхдийн зусланд энэ жил 530 гаруй хүүхэд амарсан байна

Дархан-Уул аймгийн зулзагын гол хүүхдийн зуслангийн энэ зуны сүүлийн ээлжийн амрагч хүүхдүүд ирлээ. Амрагч хүүхдүүд 7 хоног амрах хугацаандаа цэвэр агаарт, цахим хэрэглээнээс ангид байж үе тэнгийнхэнтэйгээ цагийг зугаатай өнгөрүүлсэн байна.

Хөгжөөнт тэмцээн, хөгжлийн хөтөлбөрүүд дурсамжит аялал, спорт тэмцээн зуслангийн нэг чухал хэсэг байсан тухай хүүхдүүд хуваалцлаа. 

Энэ зуны тухайд 1-р ээлжинд 83 хүүхэд, 2-р ээлжинд 116 хүүхэд, 3-р ээлжинд 168 хүүхэд, 4-р ээлжинд 170 амрагч хүүхэд хүлээн авсан байна. Амрагч хүүхдүүдийн аюулгүй байдал, эрүүл ахуй, зохион байгуулалтыг  хариуцсан эмч, цагдаа, онцгой байдлын аврагч, тогооч туслах ажилчид, бүлгийн багш нар, мөн Дархан-Уул аймгийн гэр бүл, хүүхэд залуучуудын газрын ажилтан алба хаагчид ажилласан юм.

Сүүлийн ээлжний амрагчид зуслангийн хөтөлбөр, зохион байгуулагчдад талархалаа илэрхийлэн, сэтгэл дүүрэн гэртээ ирлээ.

Бэлтгэсэн      Н.Эгшиглэн

Бэлтгэсэн: О.Ундаръяа