Дархан төмөрлөгийн үйлдвэр Турк улсаас туршлага судлах боломжтой
Зүүн өмнөд Европын нутгийн удирдлагын консорциумын төлөөллүүд Дархан төмөрлөгийн үйлдвэртэй танилцав. Орон нутгийн төдийгүй Монгол Улсын урдаа барьдаг томоохон үйлдвэрийн үйл ажиллагаа, алсын хараа, цаашид ямар чиглэлд хамтран ажиллах талаар санал солилцов.
Энэ үеэр Бүгд Найрамдах Турк Улсын Ерөнхийлөгчийн албаны санхүүгийн хэлтсийн дарга Мехмет манай орны хувьд гангийн үйлдвэрлэлээрээ Дэлхийд хоёрдугаарт ордог. Дархан төмөрлөгийн үйлдвэр цаашид Олон улсаас туршлага судлахад гүүр болох үүднээс Турк улсынхаа ган үйлдвэрлэдэг толгой компанитай туршлага судлах чиглэлд холбож өгнө гэдгээ илэрхийллээ.
Дархан төмөрлөгийн үйлдвэр ТӨХК-ийн удирдлагуудын зүгээс Дархан төмөрлөгийн үйлдвэрийн талаар танилцуулга хийж, орон нутгаа 1900 ажлын байр бий болгох “Монгол ган цогцолбор” төслөө танилцуулсан.
Орон нутагтаа ажлын байр бий болгох, ЖДҮ хөгжүүлэх уг төслийг хэрэгжүүлэхэд туршлага судлах хүсэлтэй байгаагаа илэрхийллээ.
