Эко шийдэл хог хаягдлыг бүтээл болгох уралдаан зарлагдлаа

Хог хаягдлыг үүсвэр дээр нь бууруулах, дахин ашиглах, дахин боловсруулах үйл ажиллагааг дэмжих, хүүхэд залуусын хог хаягдлын талаарх мэдлэгийг нэмэгдүүлэх, эко хэрэглээг эрхэмлэх , бүтээлч сэтгэхүйг хөгжүүлж шинэ шийдэл санааг дэмжих зорилготой Эко шийдэл уралдаанд урьж байна.

EБС-ийн ахлах дунд, их дээд мэргэжлийн сургуулийн оюутан сурагчдын дунд зохион байгуулж байгаа уг уралдааныг Дархан хоггүй ирээдүй НҮТББ санаачлан Дархан Уул аймгийн Боловсрол соёл урлагийн газар, ХААИС, Байгаль орчин аялал жуулчлалын газар, Дарханы гоёл- Ногоон ирээдүй НҮТББ хамтран зохион байгуулж байна.

Эко шийдэл уралдаанд ирсэн бүтээлийн үзэсгэлэн худалдаа 10-р сарын 1-ны өдөр Залуучууд театрын өмнөх талбайд зохион байгуулагдаж шилдэг бүтээлд 2.000.000 төгрөгийн шагнал гардуулна.

Эко шийдэл хог хаягдлыг бүтээл болгох уралдаанд оролцох хүсэлтэй хүмүүс 9900-2085, 9999-9461 дугаарын утсаар холбогдож мэдээлэл авах боломжтой.