Сурагчдын ариун цэврийн өрөөг тохижуулахдаа тусгай хэрэгцээт хүүхдэд зориулсан орчин ч бүрдүүлжээ
15-р сургууль бага, дунд ахлах ангийн сурагчддаа насныхан онцлогт нийцүүлсэн ариун цэврийн өрөөг тохижуулсан байна. Ариун цэврийн өрөөг шинэчлэсэнд сурагчид ялангуяа охид маш их талархаж байгаа гэв.
Ариун цэврийн өрөөнд орохдоо найзыгаа үүдэнд нь зогсоодог байсан бол шинэ ариун цэврийн өрөө цэвэрхэн, эрүүл ахуйн шаардлага хангасан нь сурагчдын сэтгэлд нийцэж байна.Тус сургууль ариун цэврийн өрөөгөө шинээр тохижуулахдаа тэргэнцэртэй хүүхэд бие засахад зориулсан зориулалтын бариултай суултууртай өрөөг ч бэлтгэсэн байна.
Сургуулиар орж ирсэн хэн нэгэнд хэрэгцээтэй гэж ингэж төлөвлөсөн гэв.
Хичээлийн шинэ жилийн эхний өдөр шинэ ариун цэврийн өрөөгөө харсан сурагчдын баяртай байна гэх сэтгэгдэл тасраагүй байна. Үйлчилгээний ажилтнуудын хувьд ч жил бүр будаж аргацаадаг хуучин ариун цэврийн өрөөг шинэчилсэн нь нь ажил хийхэд урамтай байгаа тухай хэлэв.
Ирэх өдрүүдэд ариун цэврийн өрөөг сайхан тохижуулж шаардлагатай зүйлсийг байрлуулах юм байна. Энэхүү ажлыг бодит болгоход Good neighbors mongolia байгууллага санхүүгийн дэмжлэг үзүүлсэн байна.
