Олны дэм байшин нь шатсан ах дүүсийн сэтгэлд гэгээ нэмлээ
Ээжтэйгээ амьдарч байсан байшин нь галд шатаж дээвэргүй байшинд урин дулааны өдрүүдэд амьдарч байсан ах дүүс өвөлжих газаргүй зутруухан байгаа тухай бид сурвалжилга бэлтгэж байсан.
Харвалттай ах нь харааны бэрхшээлтэй дүүтэйгээ группийн хэдэн төгрөгөөр амь зуудаг ч орон гэртэй болох асуудалд хүч хүрэхгүй байна. Мэдээлэл бэлтгэсний дараа ахынх нь ангийнхан ирж дээврээ засварлахад мөнгөн тусламж үзүүлжээ. Гэхдээ тэдэнд байшингаа өмнөх хэмжээнд нь бүрэн бүтэн засварлахад тусламж шаардлагатай байна.
Оскар болон түүний дүүд туслах аянд сайхан сэтгэлт хүмүүс нэгдэж өвлийн хүйтэнд аюулгүй зуух, түлээ нүүрс, дулаан хувцас, хоол хүнсний дэмжлэг үзүүллээ.
Akuma авто сервисийн хамт олон түлээ нүүрс, хүнс, ахуйн хэрэглээний зүйлсээр дэмжлэг үзүүлж, чин сэтгэлийн хандиваа хүргэж өгсөн юм.
Surprise shop дархан салбарын хамт олон дулаахан хувцас, хөнжил, даавуу гэх мэт худалдаалагдаж байгаа бараанаасаа хандив илгээсэн юм.
Ихэр дөл нам даралтын зуух хийдэг Баатар захиралтай хамт олон гал голомтоо шинээр бадраах шинэ зуухыг тусгайлан зориулж хийж өгсөн юм.
Стронгэр ХХК-ийн хамт олны зүгээс түлээний мод, 15-р багийн иргэн нүүрс дөхүүлэн өгч буян нэмлээ.
Сайхан сэтгэлтэй дээрх хамт олон, иргэдийн дэмтэйгээр ах дүү хоёр нэг хэсэгтээ л түлээ, нүүрс, хоол ундтай дулаахан байх боломжтой болсонд чин сэтгэлээсээ талархал илэрхийлж байна. Урин дулаан цаг ирэхэд байшингаа босгож, бүрэн бүтэн болгож ороход нь дэмжих иргэн, ААНБ-т хандивын данс нээлттэй байна.
Буян буцаж ирэхдээ бороо шиг асгардаг Хандивын данс: Жумаш Оскар 5046514586
