Шилдэг 3 төсөл 20000 еврогийн дэмжлэг авах эрхээ гардан авлаа

Европын Холбооны санхүүжилттэй найрамдал төслийн Европ Дарханы Инновац Энрепренершип Төвөөс зохион байгуулж буй “Гарааны бизнесийг чадавхжуулах” хөтөлбөрийн DEMO DAY өдөрлөг болж 2 сарын хугацаанд чадавхжуулах сургалтад хамрагдаж 59 оролцогчоос хоёр шатны шалгаруулалтаар сонгогдож үлдсэн 12 оролцогч төслөө танилцуулж шилдгүүддээ шалгаруулав.

Боргил саван, Бөднө шувууны загвар аж ахуй, Даавуун живх, Инновацлаг Үлэмж, Ихэр дөл зуух, Монгол сырок, Найрамдал мөөг, Хөрсөн бортого, Хуванцар боловсруулах үйлдвэр, Цэгц арьсан гутал, Чараха хүүхдийн гутал, Шимт мөөг зэрэг шилдэг 12 оролцогч гарааны бизнесийн төслөө танилцуулав.

Хөрсөн бортого, Ихэр дөл зуух, Хуванцар боловсруулах үйлдвэр төслүүд шалгарч тус бүр 20000 хүртэлх еврогийн санхүүгийн болон техникийн дэмжлэг авах эрхээ гардан авлаа.

Европын Холбооны санхүүжилттэй найрамдал төслийн ЕДИЭТөвийн гарааны бизнесийн 2022 оны шилдэг 3 төслөөр шалгарсан дээрх төслүүд ийнхүү санхүүгийн болон техникийн дэмжлэг авахаар болсон бол бусад шилдэг оролцогчдын төсөлтэй танилцсан холбогдох байгууллагуудын зүгээс дэмжин ажиллахаа илэрхийллээ.

Европын Холбооны санхүүжилттэй найрамдал төслийн хүрээнд ирэх жилүүдэд мөн адил гарааны бизнесийг чадавхжуулах, санхүүгийн болон техникийн дэмжлэг үзүүлэх энэхүү үйл ажиллагаа зохион байгуулна. Төслийн хүрээнд нийт 10 бизнес эрхлэгчид 20000 хүртэлх еврогийн дэмжлэг авах юм.