Авьяаслаг багш нар ардын дуу хуур, ерөөл магтаалаар ур чадвараа сорив
Цэцэрлэгийн багш гэдэг балчир шавь нартаа үлгэрлэн үзүүлэхийн тулд урлаг уран сайхны ойлголттой байж, их зүйлийг сурч мэддэг болохыг шинэ алхам цэцэрлэгийн багш нарын зохион байгуулсан Дөрвөн бэрх тэмцээнээс харж болохоор байлаа.
Сар шинийн баярыг тохиолдуулан бяцхан шавь нарынхаа дунд өв уламжлал сэдэвт өглөөлөг хийж анги бүлийн хүүхдүүддээ монгол ардынхаа тоглоом наадгайг танилцуулан тоглуулж, дуу хуур, бүжиг, шүлэг, ерөөл магтаал дунд сургалтын үйл ажиллагаа өрнүүлсэн байна.
Багш нар монгол бахархал болдог тоглоом наадам, дуу хуур, ерөөл магтаалаар ур чадвараа сорьж Дөрвөн бэрх тэмцээндээ оролцов
Шинэ алхам цэцэрлэгийн багш нар зохион байгуулсан Дөрвөн бэрх сар шинийн баярыг угтсан үйл ажиллагаанд оролцсон багш нар үндэсний дээл хувцсаа өмсөж, зарим гоёлоо өөрсдөө урлан үс гэзгээ чимжээ.
Дэлхийд гайхагддаг монгол гэх өв уламжлал, түүх соёл, дуу хуурын сайханд уярч, илүү их суралцан, ардын сайхан харилцаа дууг шавь нартаа зааж өгөх урам нэмсэн, бие биеэ хөглөн урамшуулсан үйл ажиллагаа ийнхүү өрнүүлэв.
Монгол гэх омогшил бахархал төрүүлсэн бүхэн сайхан
