Дэлхийн зөн Дархан төслийн талархлын өдөрлөг боллоо
Дэлхийн зөн Дархан Хүүхдийн Төлөө Орон Нутаг төсөл нь Дархан уул аймгийн Дархан болон Хонгор сумдад 5 жилийн хугацаанд олон олон төсөл хөтөлбөрүүдийг амжилттай хэрэгжүүлж дүүргэсэн талархлын өдрөө өнөөдөр тэмдэглэн өнгөрүүллээ
Төр, төрийн бус байгууллага, иргэний нийгмийн байгууллага, хүүхдийн оролцооны байгууллагууд төсөл хөтөлбөр хэрэгжүүлсэн мянга мянган өрхийн төлөөллүүддээ энэ өдөр урьж амжилт ололтоо дүгнэж, төсөл хөтөлбөрийн үр шимийг олон нийтдээ тайлагналаа.
Баярлалаа Дэлхийн зөн үйл ажиллагаа бүхэлдээ чин сэтгэлийн талархлын үгс дунд өрнөж, тус төслийн хүрээнд үйл ажиллагаа өргөжүүлсэн өрхүүдийн бүтээгдэхүүний үзэсгэлэн дэлгэгдэж, төслийн үр шим хүртсэн байгууллагуудын танилцуулга хөвөрч, хүүхдэд ээлтэй орон нутаг болоход чиглэсэн олон сайн ажлын үр дүнг илтгэсэн үйл явдал болж өндөрлөлөө.
Хорвоогийн хамгийн өхөөрдөм хүүхдүүдийн төлөө, амьдралын утга учир болсон гэр бүлүүдийн сайн сайхны төлөө алсын хараатай ажилласан төслийн багийнханд талархал илэрхийлье.
