Дархан хотод анх удаа Цөмөөхэй бүжгэн жүжиг тоглогдоно

1815 онд анх Цөмөөхэй нэртэй үлгэр зохиомж бий болж түүнээс сэдэвлэн Петр Ильич Чайковский 1892 онд Цөмөөхэй балетыг бичжээ. Орос Монгол Америк мөн Европын орнууд шинэ жилийн баяр болгоноор тоглодог болсон байна. Манай улсад анх 1982 оны 5-р сарын 8-нд Улсын Дуурь бүжгийн эрдмийн театрын уран бүтээлчид уг алдарт бүжгэн жүжгийг тоглож байжээ.

Орон нутгийн театр чуулгуудаас анх удаа Дархан хотод Цөмөөхэй бүжгэн жүжиг тоглогдохоор бэлтгэж байна. Уран бүтээлчдийн 90 хувь нь 3-6 насны авьяаслаг багачууд бөгөөд 3-10 насны Нобел балетын дугуйлангийн 65 хүүхэд дүр бүтээж оролцож байна.

Ерөнхий найруулагчаар Залуучууд театрын уран сайханы удирдагч МУСТА Г. Саранчимэг ажиллаж, Бүжигчин, бүжгийн багш, МУСТА М. Жигжидсүрэн болон түүний үүсгэн байгуулсан Нобел балетын дугуйлангийн авъяаслаг 65 хүүхэд Дархан хотынхоо үзэгчид, үе тэнгийн найзууддаа дэлхийн алдарт Цөмөөхэй бүжгэн жүжгийг шинэ жилийн баярыг тохиолдуулан толилуулахаар ажиллаж байна.

ЗУЛ САРЫН ӨДРИЙГ ЦӨМӨӨХЭЙТЭЙ ХАМТ ӨНГӨРӨӨЦГӨӨЕ

Та билет захиалах утас: 7700-7722