НийгэмХураангуй мэдээ
Дархан хот шилдэг тамирчдаа 3 сая төгрөгөөр шагнаж урамшууллаа
2023 оны Шилдгийн шилдэг эрэгтэй тамирчнаар 18-р сургуулийн 12.B ангийн сурагч Үндэсний бөхийн тамирчин А.Сумъяабазар шалгарсан юм. Түүний амжилтаас дурдвал:
– Улсын баяр наадмын өсвөр үеийн 128 бөхийн барилдаанд үзүүрлэж “Шандас” цол
– Монголын Хүүхдийн спортын 7-р наадмын алтан медаль
– Самбо бөхийн залуучуудын УАШТ хүрэл медаль
– Самбо бөхийн өсвөр үеийн УАШТ алтан медаль хүртжээ.
2023 оны Шилдгийн шилдэг эмэгтэй тамирчнаар Од цогцолбор сургуулийн 11-3 ангийн сурагч, Цанын спортын мастер Н.Нандинцэцэг шалгарлаа. Түүний амжилтаас дурдвал:
– Монголын Хүүхдийн спортын 7-р наадмын цанын төрөлд 2 алтан медаль,
– Монголын Хүүхдийн спортын 7-р наадмын Хөнгөн атлетикийн төрөлд хүрэл медаль,
– Өсвөрийн үеийн УАШТ алтан медаль,
– Солонгос улсын Канвон -2024 залуучуудын өвлийн Олимпод оролцох эрхээ авсан юм.
Шилдгийн шилдэг тамирчдад аймгийн ИТХ-ын дарга С.Насанбат, Засаг дарга Б.Азжаргал нар тус бүр 3 сая төгрөгийн мөнгөн шагнал гарын бэлгийн хамт гардуулан өглөө.
Эх сурвалж: Дархан-Уул аймаг
