Гэр автомашин нь шатсан 8 ам бүлтэй айл гэртэй боллоо
Галын улмаас гэр, автомашин нь шатсан найман ам бүлтэй айл өргөө цагаан гэртэй боллоо
Хонгор сумын 1-р багийн иргэн С.Мөнгөнсүхийнд гал гарч гэр, авто машин нь шатаж хохирол учирсан байдалд Хонгор сумын хэмжээнд хандивын аян өрнүүлж шинэ оны босгон дээр 5 ханатай гэр, хоол хүнс, хувцас хэрэглэл, мөнгөн тусламж дэмжлэг үзүүлсэн байна.
С.Мөнгөнсүх нь 7 хүүхэд, эхнэрийн хамт амьдардаг, хөдөлмөр зүтгэлээрээ ахуй амьдралаа дээшлүүлж буй үлгэр жишээ гэр бүлүүдийн нэг гэж сум орон нутгийнхан нь онцолжээ. Ийнхүү олны дэм оломгүй далай гэгчээр шинэ оны босгон дээр өргөө цагаан гэртэй болсон байна.
Хандивын аянд сэтгэл зүрхээ зориулж хамтарч оролцсон ЗДТГ, 14-р сургууль, Эмт наран ОНӨААТҮГ, Соёлын төв, 16-р цэцэрлэгийн хамт олон, 2-р багийн малчин Г.Тогтох, Х.Жамсран, 1-р багийн иргэн Б.Тунгалаг, Иргэн Оогний нартай талархал илэрхийлж, ажил амьдралд нь сайн сайхан бүхнийг хүсье.
