НийгэмХураангуй мэдээ
Дархан хотод Шилдэг Мэтгэлцэгч-XI тэмцээн болно
Дархан-Уул аймагт хэрэгжиж буй “БОЛОВСРОЛ – 2032” хөтөлбөрийн хүрээнд ЕБС-ийн багш, сурагчдын өрсөлдөх чадварыг нэмэгдүүлэх зорилгоор Дархан-Уул аймагт үйл ажиллагаа явуулж буй ЕБС-ийн 8-12 дугаар ангийн сурагчид болон Их, дээд сургуулийн дэргэдэх Лицей сургуулийн сурагчдын дунд “Шилдэг мэтгэлцээн” тэмцээнийг 11 дэх удаагаа зохион байгуулах гэж байна.
Нэгдсэн үйл ажиллагаа 2024.2.25-аас 2024.4.28-ний өдрийг хүртэл үргэлжилнэ.
Багуудад тавигдах шаардлага:
– Сургууль тус бүрээс 4 гишүүнтэй, 1 удирдагчтай баг оролцоно.
-Тэмцээн Монголын мэтгэлцээний нэгдсэн танхимаас баталсан Карл Попперын мэтгэлцээний дүрмээр явагдана.
– Оролцогчид 7 хоног бүрийн бүтэн сайн өдөр сургалт, мэтгэлцээний тоглолтод оролцох боломжтой байх.
Тэмцээн нийт 4 дэд сэдвийн хүрээнд явагдана:
1. Хүмүүний оршихуйн үндэс
2. Дэлхий нийт ба Монгол Улс
3. Засаглал, эдийн засаг
4. Оюун санаа, технологийн хөгжил инноваци
Тэмцээнд нийт 40 баг оролцож, 4 шилдэг багийг шалгаруулж урамшуулна.
Багууд бүртгэлээ 2024 оны 02 дугаар сарын 22-ны 15:00 цагаас өмнө баталгаажуулсан байх шаардлагатай.Холбогдох утас: 9090-9490, 9490-9900 гэсэн утсаар холбогдож мэдээллээ баталгаажуулна.
Бүртгэлийн хураамж /баг тус бүр/-50,000 төгрөг.
