Сурагчдын цүнхний жинг багасгах зорилгоор сурах бичгүүдийг улирлаар гаргадаг болно

Хүүхдийн унших, уншаад ойлгох, ойлгосноо хэрэглэх чадварыг дээшлүүлэхийн тулд Унших бичгийн хичээлийг сэргээхээр болсон байна. Мөн компьютерын ухаан гэх шинэ хичээлийг оруулж, хүүхдийн онцлогт тохирсон сурах бичгийг боловсруулжээ.

Шинэчлэн боловсруулсан сурах бичиг, гарын авлага, дасгал ажлын дэвтрийн тохирцыг судлан, 2025-2026 оны буюу ирэх хичээлийн жилээс хэрэглэж эхлэх юм байна. Сурах бичгүүдийг улирал улирлаар гаргах учраас сурагчдын цүнх хөнгөрч, дасгал ажлын дэвтрийг хэрэглэснээр гэрийн даалгаврын ачаалал багасна гэж тооцоолжээ.