НийгэмХураангуй мэдээ
Орхон сумыг хүнс, хөдөө аж ахуйн загвар сум болгон хөгжүүлнэ
Дархан-Уул аймгийн Орхон сум нь хуучин жимс, ногооны сангийн аж ахуйн суурин дээр байгуулагдсан бөгөөд энэ онцлогт тулгуурлан Монгол Улсын Засгийн газрын бүсчилсэн хөгжлийн бодлогын хүрээнд Орхон сумыг нарийн ногоо, жимс жимсгэний загвар сум болгон хөгжүүлэх бодлогыг ХХААХҮЯ-аас танилцуулсан юм.
Орхон суманд 2025 онд улсын төсвийн хөрөнгөөр жимс, жимсгэнийн плантаци, ногооны талбайд ойн зурвас байгуулах ажил төлөвлөж буйгаа танилцуулав.
Сумын удирдлагууд Шарын голын услалтын системийн толгойн барилга хэсэгт хөв цөөрөм барих ажлын зураг, төсвийг шинээр боловсруулсан талаараа мэдээлэл өглөө.
Эх сурвалж: Дархан-Уул аймаг
